about parks, beer'n'bullshitcorners, families, cattle and farms

Hallo werte Blogleserinnen und Blogleser :)
Schon wieder gibt es ganz viel zu berichten - es ist unglaublich wie schnell die Zeit hier unten vergeht und wie viel ich jeden Tag erlebe.
Am donnerstag Morgen durfte ich mit einem aus meiner Englischklasse, Alex, nach Redhead in eine Primary School gehen. Und zwar aus folgendem Grund: Es trafen in dieser Schule je 4 Kinder aus zwei verschiedenen Schulen aufeinander, um ein vorgegebenes Thema zu diskutieren. Das Thema war: Video games are to violent. Eine Gruppe musste Argumente dafür, die andere Argumente dagegen bringen und ich und Alex druften am Schluss bestimmen, welche Gruppe nun am meisten überzeugt und die Debatte gewonnen hat. Das war wirklich sehr süss, die kleinen Kinder zu sehen und ich fand es super dass ich dabei sein durfte.
Am Freitag hatte ich dann schon meine erste Exkursion: Ich ging mit meiner Photography Class nach Sydney in den Luna Park. Der Luna Park ist gerade neben der Harbour Bridge und vis-à-vis vom Sydney Opera House. Es ist ein kleiner Freizeitpark mit einigen Bahnen und das Ziel von der Exkursion war es, die Konstruktionen photographisch festzuhalten. Dabei durften wir aber auch so oft auf die Bahnen wie wir wollten. Wir waren nur 6 Schüler und zwei Begleitpersonen. Wir fuhren am Morgen in Newcastle mit dem Zug ab und waren 2.5 Stunden später in Sydney. Und wisst ihr wie viel ich für die Zugfahrt Sydney- return bezahlt habe? $ 5.90!!! Für knapp 400 km Strecke!! Unglaublich... In der Schweiz kann man das kaum bezahlen.. Auf jeden Fall hatten wir es sehr lustig dort unten und ich habe es sehr genossen, wieder ein paar Leute etwas näher kennenzulernen. Wir gingen auf jede Bahn die es dort gab und ich war sehr stolz auf mich weil es mir nicht eine Sekunde lang schlecht war - im Gegensatz zu den Anderen :) Dies bin ich und Jasmin vor einem der vielen Verzerrten Spiegel im Park: Gegen Abend waren wir dann wieder in Newcastle und ich wurde von Boothy, dem BIG brother, am Bahnhof abgeholt und nach Hause gebracht.
Am nächsten Tag früh am Morgen fuhr ich dann mit meinen Gasteltern nach Wellington. Wellington ist etwa 400km landinwärts und ist der Heimatort von meinen Gasteltern. Der Grund, weshalb wir dorthin gingen, war eine Überraschungsgeburtstagsparty für den Onkel von Jack, der 80 Jahre alt wurde. Nach 4 Stunden Fahrt erreichten wir dann das kleine Dorf. Dort war nicht viel los und es war eiskal.t. Dies ist Jack mit seinem Bruder:. Die Geburtstagsfeier fand im Sääli von einem Pub statt und es war richtig gemütlich dort. Drinnen war es auch schön warm weil so viele Leute in einem kleinen Raum waren und ich musste nicht einmal frieren :) Sehr lustig fand ich dieses Schild vorne an der Bar: Beernbullshitcorner :) Das musste ich einfach festhalten:Die meisten Leute blieben aber nur etwa knapp 3 Stunden dort und dann gingen alle wieder nach Hause. Wir drei gingen dann aber nicht wieder nach Newcastle, sondern zur Schwester von Denise und ihrem Ehemann, die auf einer Farm leben, etwa eine halbe Stunde von Wellington entfernt. Das war wirklich ein Erlebnis dort-eine Farm mit soooooo viel Land und so viel Vieh (cattle) habe ich noch nie in meinem Leben gesehen! Denise, Michael und Jack vor der Farm: Die Farm selber, also das Haus, oder besser gesagt die Blechhütte war eher primitiv und ein bisschen eine Bruchbude. Sehr klein, aber warm und gemütlich. Es gab kein Handy-Empfang und kein Internet Anschluss, doch der Fernseher lief 24h am Tag... Am Abend kamen dann noch zwei Söhne von Leonie, der Schwester von Denise, mit ihren Kindern vorbei, um mit uns ein Barbeque zu essen. Das war sehr lustig und schön :) Vor dem Essen mussten wir aber noch die Enten einfangen gehen, die aus unbekanntem Grunde ihrem Gehege entflohen waren. Das war seeehr lustig :) Es war gerade am eindunkeln und wir waren noch ein bisschen draussen, und ich bemerkte, wie ruhig es dort war. Nur die Natur und wir, und sonst kein Geräusch von Menschen, Autos oder Flugzeugen. Sooo schön!!! Nach dem Abendessen wurde ich von Michael, dem Ehemann von Leonie, in den Genuss von Portwein eingeführt. In dieser Gegend wird nämlich einer der besten Weine der ganzen Welt produziert! Wir sind auch an vielen Weinplantagen vorbeigefahren, aber es waren natürlich keine Rebberge, sondern eher Rebfelder. Am nächsten Morgen konnte ich schön ausschlafen. In der Nacht war es so kalt dass es sogar Frost gab, aber ich hatte zum Glück genug Decken und konnte somit in der Wärme schlafen. Nach dem Frühstück fuhren wir dann mit dem Jeep durch das Land von Michael und Leonie und Michael zeigte uns das Vieh. Neben dem Vieh sahen wir auch noch einige Kangaroos - ich war sehr beeindruckt. Gegen Mittag traten wir wieder die Heimreise an. Ich konnte ein bisschen schlafen, doch es war trotzdem anstrengend irgendwie... Da wir noch keinen Lunch gehabt haben, gings dann in den McDonalds, um etwas zu essen. Zum Glück kann man dort auch Salate haben... Man isst hier schon genug fettig und deftig, und wenn es einmal Salat gibt zum Essen, dann nur seeeehr wenig. Mir fällt dabei einfach auf, wie gesund wir eigentlich in meiner richtigen Familie in der Schweiz essen. Viel Salat, Gemüse und Früchte, was hier eher selten vorkommt. Aber ich kann mir meinen Lunch in der Schule selber packen, da kann ich dann immer mein Vitamindefizit aufholen :)
So, ein weiteres Wochenende geht zu Ende... Und Morgen ist ein sehr grosser Tag für mich. Denn Morgen kann ich nach der Schule ans Newcastle Conservatorium of Music gehen und auf meiner Geige vorspielen, und wenn ich Glück habe und gut genug bin dann nehmen sie mich vielleicht in ihr Orchester auf, und das wäre wirklich der Oberhammer!!!
Drückt mir die Daumen für Morgen :) Ich wünsche euch allen eine gute Zeit und bis bald!
Ich vermisse euch!!!!!
Yours Sincerely
Öiches Livi

first night out

Aufgrund einiger Reklamationen betreffend meinen auf schweizerdeutsch verfassten Einträge werde ich nun auf Hochdeutsch wechseln :) Voilà hier wohne ich während den nächsten 3 Monaten:
Ich habe a very busy weekend hinter mir, und es geht genau so busy weiter wie es bis jetzt gewesen ist - ich bin irgendwie immer irgendwo und irgendwie beschäftigt (was aber sehr gut ist und mir sehr gefällt).
Am samstag Morgen fuhr ich mit meinen Gasteltern auf ihr Land, das etwa eine Stunde landesinwärts liegt. Sie besitzen 4 ha Land und das ist wunderwunderschön! Auf einem Hügel ist eine schöne Lichtung, wo sich ihr Camper und der Barbeque-Grill sowie eine Feuerstelle befindet, der Rest ist alles Wald. Es war zum Glück nicht mehr soooo kalt, also mehr so wie bei uns ein schöner Frühlings- oder Herbsttag. Oben angekommen trafen wir auf Jacob und Justin (sein Kolleg und Brodies Ex-Freund), die dort übernachtet hatten und schon auf uns warteten. Wir gingen dann gemeinsam auf dem Motorrad (also ich sass hinten auf dem Motorrad, ich fuhr es schon nicht selber, keine Angst :) ) los um Holz zu hacken, welches wir dann wieder mit nach Hause nahmen. Das war wirklich super!!! Links: Jack, mein Hostfather, rechts: Jacob, my hostbrother:Das ist Bundy, das Haushündchen, mein neuer bester Freund :)
Nachdem wir uns ein BBQ gegönnt hatten ging es dann wieder zurück nach Valentine. Ich hatte nicht viel Zeit und musste mich schnell fertig machen, um rechtzeitig bei der Geburtstagsparty zu sein. Wir gingen in ein asiatisches Restaurant essen und waren etwa 15 Mädchen. V.l.n.r.:Emily, Steph, Sarah, Ebony (sie wurde an diesem Abend 17 Jahre alt), Beth und oben noch Ich :)Das war auch super, wir hatten viel Spass und ich konnte sie alle noch ein bisschen näher kennenlernen. Ich hatte wirklich einen super Abend. Interessant war, was ich an diesem Abend feststellen konnte: Da die Schüler ja in der Schule eine Uniform tragen, wird am Wochenende gezeigt, was man hat: Fashion fashion fashion - ich kam mir ein bisschen underdressed vor...
Am Sonntag ging ich dann mit Denise und Jack nach Newcastle an den Hafen und an den Strand. Das war auch so wunderschön!! In der Umgebung von Newcastle werden sehr grosse Mengen an Kohle abgebaut, diese Kohle wird dann am Hafen von Newcastle auf Schiffe aus aller Welt verladen. Sie haben mir erzählt, dass pro Tag etwa 60 so grosse Transportschiffe draussen auf dem Meer warten um die Kohle aufladen zu können. Das war schon sehr beeindruckend. Das Wetter war auch immer noch strahlend schön und ich genoss es sehr, mal wieder an einem Sandstrand zu sein (obwohl wir nicht baden gingen, dafür war es natürlich zu kalt :) aber es ist nun schon wärmer und man kann jetzt gut im Pullover draussen herumlaufen.). My Hostparetns Jack and Denise Parkes:
Ich und meine Hostmum Denise am Hafen von Newcastle:

Kaum zu Hause, gings auch schon wieder weiter - wir waren an eine Welcome-Barbeque für eine Austauschstudentin aus Canada von Rotary eingeladen. Das war in einer riesengrossen Villa und war auch schön. Es war interessant, wieder so viele neue Gesichter zu sehen und die Leute ein bisschen kennenzulernen. Das Mädchen aus Canada ist jetzt seit 4 Tagen in Australien, sie ist nett... Und irgendwie sehr amerikanisch... Sie geht nicht auf meine Schule.
Als wir dann wieder zu Hause waren, war Justin, Boothy (der BIG brother) und Jeannet auch da und wir wollten eigentlich dann das Formel-1 Rennen schauen, doch das musste ja wegen Regen abgebrochen werden und ich war dann zu müde um noch weiter aufzubleiben.
Heute war wieder Schule angesagt und ich muss sagen es gefällt mir wirklich sehr, ich komme so gut mit diesen Leuten aus und es ist eifach sehr lustig! Jeden Tag lerne ich neue Leute kennen und es ist einfach toll. Das kommende Wochenende bin ich schon wieder eingeladen, diesmal an einer movie-night bei Sam :) Ich habe die nächsten Wochenenden schon alle verplant... Das ist unglaublich, aber sehr erfreulich für mich :)
Es ist unglaublich wie viel ich hier immer zu erzählen habe... Ich werde mich bald wieder melden. Liebe Grüsse an euch alle, ich hoffe es geht allen gut! Ich vermisse euch!!!!!!
Öiches Livi

.....schooling.....

iz bini scho e wuche vo deheime furt, und es passiert so vüu do unge... ha scho widr ganz e huuffe z verzeue.. :) auso, am mittwuch hani mi erscht schueutag gha. das isch es cheibe züg gsi :) und natürlech bini i mire nöie schueuuniform gange, das isch ebe scho no kuul, check it out:


wie me unschwär cha erkenne hani abr nume es schüppli, strumpfis, es hemmli und e pulli anne, und i ha eifach dr ganz tag nume gfrore. wüu ir schueu wärde d zimmer ou nid gheizt. auso bini meh odr weniger e iischlotz gsi woni bi heicho. aber süsch isch s wätter bis iz würklech makellos gsi, sunne dr ganz tag und ke einzigi wuuche am himmu... i ha när erfahre dass me ou cha i schwarze hose cho (zum glück hani schwarzi längi hose) und sider loufi geng ganz warm agleit ume (und ha trotzdäm no chaut). aber i finge ebe schueuuniform ganz e gueti sach, me brucht vüu weniger chleider, mues sech am morge nie überlege was me wott alege und es isch eifach gäbig. go for schooluniform :)
i bi auso dört i die schueu cho und när si zwöi meitschi us mim johr (year 11) cho und hei mi dr ganz morge ir schueu umegfüehrt und mi aune lehrer woni ha vorgstöut. i ha aus kuuli lehrer vou aui ganz locker druf si. i ha jo 6 fächer müesse wähle, und da ig zum glück d matur scho ha hani hie nid gross fächer müesse nä damit i deheime när ir schueu nid grad würd dr aschluss verpasse...auso hani mi uf photography, visual arts, english (si hei mi i di beschti gruppe do!!!:) ) advanced, modern history, PD/health/PE und musig gno. und das isch e super uswau, hani chönne feschtstöue :)
uf jede fau hani ou müesse feschtstöue dass die schueu hie eifach scho chli seeeehr layd back isch. auso jo, me het am morge am 9ni ii und spöteschtens am nomi a 15:20 uhr us, im ungerricht macht me eigentlech immer so guet wi nüt (usserd im zeichne) und jo, es isch eifach ke verglich zu üsem schueusystem. am donnschti, mi zwöit schueutag, hani ganz vüu nöii, und ganz vüu liebi lüt lehre kenne. und wasmr chli angscht gmacht het isch dass eifach JEDE vom schueuhus aus über mi weis woni mou irgendöpperem us däm institut verzöut ha (dass i e zwillingsbrüeder ha, dass i giige und klavier spile, und dass i gmeint ha dass eine us mire history und music class schwul sig, obwou ärs nid isch). ungloublech, do mues äuä vüu tratschet wärde. aber si hei mi aui ganz lieb ufgno und lieb behandlet und i ha scho so vüu kontäkt i nume 3 täg chönne chnüpfe, si hei sech aui ganz lieb um mi kümmeret und mi überau umegfüehrt weni nid gwüsst ha wohäre i mues go... und si si ou aui vou intressiert a mir und chöme ou uf mi zue - eifach super. und i ha scho mini erschti iladig ane party übercho, wo morn am obe wird si :) i hätt nid dänkt dass das aues so schnäu würd go :) zersch hani nämmlech chli bedänke gha, öb de das guet chunnt mit dene lüt us dr schueu und öb si mi de würde nätt finge und aus, aber bis iz isch würklech aus super gloffe.
geschter am obe hei mi mini gaschtschwöschter brodie und mi gaschtbrüetsch dr jacob mit furt gno. mir si zersch i ne bar gange wo ou no so nes casino isch gsi, und dört heimer öppis gässe und trunke. am jacob si cricket-kolleg isch ou mitcho und das isch vou luschtig gsi :) es isch so ne BIG brother, e riise fätze wo für mi würd go schlegle we öpper bös wär zu mir :) uf au fäu simer när aui zäme anes cricketgame gange, auso d brodie und ig hei zuegluegt und die angere hei i ihrem team gspüut - und gruusig verlore .... :) aber luschtig isches glich gsi, au dene dicke grosse aussies bim cricket zuezluege, und im fau, i bi sogar bi de regle druscho womr d brodie erklärt het!!! :)
es geitmr auso wie me äuä us däm bricht hie cha useghöre iz zimmlech besser do unge aus am afang. aber i vermisse glich aui vo deheime, und ganz fescht ou mis schätzeli.... aber do muesi haut iz dürebisse...
i vermissenech ganz fescht!!! ah und merci a aui womr e kommentar gschribe hei, das fröit mi immer ganz fescht!!!
öiches livi

here I am now.. and I miss you all so much

hey mini liebe
es git viu z verzeue. am beschte dueni eifach vo vore aafo... auso, am fritti am morge bini mit mire familie und em schaetzeli uf zueri a flughafe gfahre. es ischmr irgendwie geng no nid bewusst gsi dass ig iz wuerklech furt go fuer nes ganzes johr, waeg vo au mine liebe und vo mim schatz... dr abschid am flughafe isch sehr schwaer und sehr truurig gsi und i ha no dr ganz waeg bis zum flugzueg eifach muesse graenne. am liebschte waeri eifach umkehrt und zu mim schatz gange... es si no ganz vueu angeri ustuschschueeler doert gsi wo ou aui uf australie si gange. mit dene hanis naer uf dr ganze reis sehr guet gha, und das isch ou super gsi. ufem flug vo zueri nach kuala lumpur bini naeb eire ghocket wo ou e fruend het und das het mr grad guet to, mit ihre chli ueber das z rede. i bi so truurig gsi... z kuala lumpur simer naer nach 12 stung flug glandet und mir si aui vou ufr schnure gsi. s het gloub chuum oepper choenne schlofe. am flughafe heimer 4 stung ufenthaut gha und de simer e chli go umeluege und hei chli wasser woeue choufe. aber nei, mir hei usserd gucci, versace und dior laede rein gar nuet gfunge! ungloublech... es isch so warm gsi doert und mir si aui so ustrochnet gsi vo dere trochne flugzuegkabineluft, und de heimer naer eine gfrogt und dae het gmeint me choenni ir apothek wasser choufe. zum glueck het das naer ou gstumme. witer isches du naer gange mitem flueger nach sydney. z kuala lumpur am flughafe heimer ues scho vo nes paar ustuschschueeler muesse verabschide, wueu die nach perth und angeri orte si witergfloge. dr zwoeit flug isch die hoelle gsi, chame so saege, eiach nomou 8 stung und so richtig muehsam. i ha zwar dasmou chli choenne schlofe, aber es isch trotzdaem nid so toll gsi. uf dr ganze reis hani so guet wie nuet choenne aesse, i ha eifach nuet abebrocht. i bi so ufgwueut gsi und es isch so vueu i mir inne abgange.. i hami chuum choenne froeie, i bi eifach nume truurig gsi und ha mini liebe und vorauem mi schatz so fescht vermisst...
bevor mr naer in sydney si glandet si si im flugzueg mit so desinfektions-sprays duere gloffe und hei das zueg id luft gsprayt :) i ha eifach nume muesse lache wueu das so komisch het usgseh und irgendwie ou chli sinnlos isch :) auso jo, australie het drum angst vor seuchen und drum dueesi sones gschiss ablo ueberau :) z sydney am flughafe heimer ues naer widr vo nes paarne muesse verabschide, die si drum witer nach brisbane gfloge. auso simer nume no z 4. gsi und si naer use gange. doert simer aui scho erwartet worde vo uesne familiene. i bi ganz haerzlech empfange worde, si heimi grad umarmt und heimer es muentschi ufd backe gae und i hami grad sofort wou gfueut bi ihne. mir hei naer 2,5 stung muesse heifahre nach valentine. i ha im outo chli choenne schlofe und mir si naer so am 11i ir nacht deheime acho. i ha grad mire familie und mim schatzi agluete und ne bscheid gae dass i guet bi acho. und de bini grad widr gnz fescht truurig worde und waer am liebschte eifach grad widr ufe flughafe, um dr noechscht flug fuer hei z nae. am noechschte tag hani bis am 4i am nomittag gschlofe und bi geng no mued gsi... nachere warme duschi hani mou mis zueg uspackt und mi chli iigrichtet, und i bi geng no ganz fescht truurig gsi. am obe heimer naer grilliert, es het ganz vueu fleisch, ganz weni gmuees, ganz weni salat und ganz weni riis gae, aber s isch super gsi :) und i ha sowieso fasch nuet moege aesse. d denise, mini gastmueter, dr jack, mi gastvater, d brodie und dr jacob, mini gastgschwueschterti und d jenna, am jacob sini fruendin, si aui do gsi und es isch naer ganz schoen und gmuetlech worde. i hane mini gschaenkli gae und si hei fescht froeid gha dranne, vorauem am schoggi :);) und de heimer naer no so ne art geo-spiu gmacht, eifach uf englisch, und i bi gar nid mou so schlaecht gsi :) auso i ha zwar scho verlore, aber nume knapp :)
naer hani no mitem schatz skypet u de ischsmr grad besser gange. me isch nang haut scho vueu noecher weme nang cha ghoere UND gseh... mir hei oeppe 3 stung lang gredt und das isch ganz schoen gsi. i bi oeppe am 2 am morge ids bett und ha bis am 6i nid choenne pfuse! cheibe jetlag... i ha sogar no dr wecker vom jacob am morge ghoert wueu i denn no bi wach gsi... naer hani aber oeppe bis am 1 am nomi choenne pfuse.
iz bini dr ganz tag alleini deheime und chami no chli usruhie. das isch no guet. i ha vori gseh dass si e toeff hei :) das isch jo dr hammer :) i cha sicher mou mit hinge druf hocke und chli go toeff fahre ;) usserdaem heisi vou e schoene pool mit integriertem whirlpool! es soeu so schnaeu wie mueglech warm waerde, so dass i de ou no chli dri cha go schwadere bevor i mues familie waechsle ;) i ha drum erfahre dass i insgesamt 4 familie wirde ha, und i 3 monet wirdeni scho familie waechsle. aber das fingeni sehr guet, so abwaechslig isch super.
s hus woni drinn wohne isch eistoeckig und so zimmlech laenglech. i ha nes haerzigs zimmer mitemne schoen breite bett. s einzige wo i mim zimmer faeut isch es pout... es het ou suesch irgendwie niene es pout... :)
wasi gester ha muesse feststeue isch, dass australie aeuae eifach e fernsehnation isch, und iz chani mr ou erklaere wiso d angela geng so vueu fernseh gluegt het bi ues. die hei eifach dr ganz tag meh odr weniger eifach fernseh gluegt! guet, es isch ou sunnti gsi, aber jo, s waetter isch no schoen gsi und mir deheime goe meischtens use wes schoens waetter isch.
uh aber s isch so chaut hie unge! si hei jo winter und si duee d hueser nid heize, si hei nume so nes chlises oefeli im wohnzimmer (wit vo mim bett entfaernt) und das hautet vilech e umkreis vo 2 meter chli warm. auso i ha bis iz immer chaut gha. i wirde mi aber aeuae no dra gwoehne. und bis i mi dra gwoehnt ha wirds de scho widr warm ;)
iz hani cheibe viu gseit... i wuesst no meh aber i due de das es angers mou brichte. i hoffe es geit oeich aune guet und dir gniesset s summerwaetter ir schwiz! i froeie mi vo oeich z ghoere!
u i vermissenech...........
bis gli, bis zum noechschte maeuder. oeiches livi

der countdown läuft....

iz bini nume no 3 täg hie ir schwiz u när verreisi scho... die zitt geit so schnäu...
letscht wuche hani mi no es paar mou mit kolleginne troffe, um tschüss z säge. das isch scho komisch, we me nang när tschüss für nes ganzes johr mues säge, wüus eim irgendwie gar nid real vorchunnt und me dänkt, dass me nang vilech i zwöi odr 3 wuche widr würd gseh... aber i gloube sobaud i de dunge bi wird mr das äuä de scho bewusst... dir wärdet mr fähle!!!
i ha es wunderschöns letschts wuchenänd hingr mr, ganz e schöne abschluss eifach. am fritti obe bini mit mim schätzeli, sim bescht kolleg em hanimaa und däm sim kolleg em dinu uf adubode gfahre. nach schmöuzbrötli-wettässe und vüu lache simer när öppe am 12i z nacht z adubode im feriehüsli vom hanimaa acho. eigentlech hätte mir no i usgang wöue, aber irgendwie si aui kaputt gsi (auso jo, usser dr dinu :) ) u si drum när aui ungere.
am nöchschte morge heimer glück gha mitem wätter-s isch nämmlech sit langem widr mou schön und warm gsi-und mir si mou chli öppis z ässe und z trinke im coop go iichoufe. gäge nomittag simer de mou ufs festival-gländ gange, üses ziel isch drum s vogulisiopenair adubode gsi :) und när ischs losgange. s isch würklech eifach vou kuul gsi!!!



d stimmig isch super gsi, s wätter isch super gsi, und d musig isch super gsi (vorauem stress, das isch würklech s highlight gsi!!)! was wott me meh? :)

hie heimer no di ganzi tschuppele und die vou krasse

dr linu und ig si när chli früecher hei aus di angere wüu mr beidi so müed si gsi - mir hei mini bei scho lang nümm so weh do -... womr am nöchschte morge bzw. mittag widr uuf si, hets widr grägnet und s isch widr chaut gsi, so wies jo eigentlech normau isch ir letschti. glück gha mitem wätter am samschti!! nachdäm mr s gröbschte ufgruumt und putzt hei simer när widr heizue. dr linu isch när grad zu mir heicho, är isch drum iz di letschte täg no chli bi mir, und do bini sehr froh. jo, und jetz isch packe aagseit. i ha geschter mou e packlischte ufgschtöut, aber s isch no schwirig, für nes ganzes johr z packe. vorauem mit de schue isches schwirig :) s mami und ig gö hüt no di fählende sache go iichoufe und de sött eigentlech anere guet packte koffere nüt meh im wäg stoh :) usserdäm si iz aui mini reisedokumänt acho, auso pass und visum, flugtickets und reiseprogramm. woni am benj gseit ha dass i mit dr boeing 777-200 uf kuala lumput flüge, ischer fasch vom stüehli gheit und grad niidisch worde, das sig drum schiins ganz es nöis modäu ( dr benj het gmeint es sig ds konkurränz-modäu vom airbus A380 odr so...). de bini mou gspannt was de die büchse aues z biete het...
bis baud

yours sincerely
livi

es nöchet...

i weiss gar nid wo aafoo, s isch so viu passiert i de letschte täg... auso leider ou truurigs. mir hei grad 2 todesfäu i dr familie gha, und das isch sehr truurig..
d angela isch jo iz ändgüutig uszoge und i bi i ihres zimmer abezüglet. iz hani wahnsinnig viu platz, und das isch natürlech wunderbar, so s eigete grosse riich, chönntme bau säge :) iz isches ou meh odr weniger fertig iigrichtet und scho zimmlech heimelig. nume im summer isches leider zimmlech chüeu dört unge, drum loufi iz ou geng nume no mit dicke socke ume (zwar, bi dere cheuti dusse isch jo das ou bau normau :))
am mänti hani mi wie gseit bim rotary club verabschidet. das isch eigentlech e zimmlech luschtigi und lockeri sach gsi bi ihrem plouderlöntsch muesi säge, und i gloube die manne hei dört ou aui fröid gha dass i bi cho merci und tschüss säge :)
geschter hani mini letschti giigestung gha. das isch uf ne art zimmlech komisch gsi, wüu i bi jetz immerhin 11 johr bir gliiche giigelehrerin gsi und ha mängi schöni sache mit ihre chönne erläbe u ha ou sehr vüu glehrt. abr s ischmr irgendwie gar nid so bewusst dass das jetz ou scho verbii isch... komisch. item. uf jede fau bini när am oobe mitem benj uf langethau gfahre und dr linu isch ou no grad mit iigstige. i bi natürlech di einzigi gsi wo ke ahnig het gha vo auem, dr linu hetmr drum eifach gseit: livi, am mittwuch chunnsch du ufs viertu ab 6i zügli uf langethu. du muesch s GA mitnää und hunger ha... do hani natürlech lang spekuliert was das chönnt si, ha abr glich ke ahnig gha und bi dämentsprächend ou ganz ufgregt gsi :) z langetu aacho simer afangs mou im züg umegloffe und schlussändlech ids mammamia (schribt me das so?) ine gange. und dört isch dr bracher, dr chrigu zaugg u d märä mitemne breite grinse am tisch ghocket :) d steffi u dr dinu si när ou no cho, u das het mi wahnsinnig gfröit! mit so öppisem hätti natürlech nie grächnet gha und i bi so überrascht gsi und ha soooo fröid gha! und när hani ou no so härzigi sache vo ihne übercho für weni de z oustralie bi... es isch eifach wunderschön gsi und i ha gar nid gwüsst was säge, s het mi grad chli us de socke ghoue. mir si när no id gelateria go ne glace nä, u dört hani no d bärble, d anke und s neti troffe. womr när si hei gange, isch dr ändgüutig abschid cho, und das isch scho chli truurig gsi... i fröiemi scho iz widr, öich aui widr z gseh! merci für aues! läck i bi doch es glücklechs meitschi wo so vüu liebi u wärtvoui lüt darf kenne u se cha aus sini kollege bezeichne! :)

schätzeli! merci für aues!!!!