goodbye blingbling

die spange is raus! was für nes schöns gfüeu :) i mues zwar iz no so ne platte für 2 monet düre tag träge (und när nume no ir nacht), aber mit däm chani auso guet läbe. s isch würklech grad es nöis läbesgfüeu :D s blibt eim nüt meh hange we me gässe het...
d angela isch hüt uszoge bi üs und i die zwöiti familie uf laupersdorf gange. das si ganz nätti lüt und i bi überzügt dervo dass sis dört ganz guet wird ha. iz chani de i ihres zimmer abezügle :) uf das fröii mi ou scho.
am mänti wirdi mi bi üsem rotary club go verabschide und e chli go verzöue wasi i däm kommende johr aus so vor ha und wo dass i so wirde aazträffe si und und und... i darf drum bi ihrem plouderlöntsch go inehöckele und chli go vorplöiderle und no mit de rotarier go mitplöiderle :) aber das isch kuul :)
bis speedaa
liv

livi is ufruuming her zimmer

hey löidee!
so, ändlech gschafft so ne cheibe blog z ersteue :) so chani öich aui geng chli ufem loufende haute, was bi mir unge aus so abgeit u wies mir drbii so ergeit.
jetz geits nümme lang und i flüge scho ab uf die angeri sitte vor wäut- uf australie. am fritti, 13. juli 2007 geits los über kuala lumpur witter nach sydney, und dört sötti de (we aus guet geit) am 14.juli am oobe aacho u vo mire gaschtfamilie abghout wärde. i wirde bi mire erschte gastfamilie in valentine wohne, das isch es dörfli grad ungerhaub vo newcastle. z newcastle (öppe 160 km oberhaub vo syndey) wirdeni d whitebridge high school bsueche und äuä ou go shoppe, wüu sydney chli wit wäg isch ;)
so, jetz dueni nech no grad d adrässe und aus düregää woder mi während däm johr woni furt bi chöit erreiche:
email blibt di gliichi: oliviaruetti@gmx.net (msn blibt ou, die wüsster jo)

a fougendi adrässe chöit dr mr im nöchschte haube johr briefli schribe, we dr weit, worübr i mi natürlech sehr würd fröie :) dörft natürlech ou frässpäckli schicke ;) aber mail isch ou immr schön :) auso, voilà:

olivia ruetti
9 monarch crescent
valentine NSW 2280
australia

fröiemi über jedes läbeszeiche vo öich :)

im momänt isch aber no zimmer mischte und ruume und putze und zügle und aus drum und draa agseit. d angela geit am fritti i ihri nöii familie, und de chani drum de grad is grosse zimmer im chäuer abezügle. usserdäm gits ou süsch no so einiges z erledige, bevors de ändgüutig losgeit. i bi sehr gspannt, was i däm ustuuschjohr aus so uf mi wird zuecho... es wird sichr nid immr eifach sii, vorauem wirdi öich aui (und ganz bsungers mis schätzeli <3) gaaanz fescht vermisse! drum hoffi dass mr dr kontakt ou während däm johr aui zäme nid wärde verlüre.

i hoffe, öich vor dr abreis nomou z gseh und wünschenech bis denn e gueti zitt!
yours truly
liviii